صحتين وعافيه .. ابلع ..ههه

ورح أرجلعك بكووووم أسئله

مرحبا للجميع وتحياتي الكم وشكرا للاخت يسرا على التقديم المميز والرائع وشكرا يا لارا لانو وضحتي سبب تأخيري وغيابي والحمد لله المشكله مو مشكله فيروس طلع خربان ما علينا
المهم رجعتلكم وان شاء الله بقدر اجاوب على الاسئله واكون قد المسؤوليه
واحلى نظمي جيب شو ما بدك اسئله عراسي انت

رجعتلك يا أحلى قني .. "قول يا ريتك ما رجعت شو بدي فيك"..هههه
ممكن نعرف سبب حبك الكبير لفريق برشلونه .. هل هو اقتداء لشخص ما ..او لاطلاعك على تاريخ النادي..؟؟

شو أكتر فلسفه بالحياه بتتبعها او بتمشي عليها ..؟؟

البنت اللي بتمنى القني انها تكون من نصيه .. شو مواصفاتها..؟؟

هل انت من النوع الكتوم ,مشاكلك بتحب تكون الك ..؟؟

صارت معك ا سمح لله مشكله .. اول شخص بيخطر على بالك تتصل فيه مين..؟؟

شي عملته بحياتك .. واندمت عليه كتير..؟؟

بدي أحرجك شوي ..ههه .. بعرف شباب من بلدك, لو قدرت تغير فيهم اشي واحد شو بتغير
حمد عامر , عبده ابو سمره , معاذ"اللي بحرس الرئاسه"اعذرني مش متاكد من عيلته , الصقر"خالد عامر".... وما بدنا دبلوماسيه

رااااجعلك يا ورد

هلا نظمي حبيب قلبي ولك انت تشرف وتحكي شو ما بدك
بالنسبه للسؤال الاول عن السبب الحقيقي لحبي لبرشلونه ليس اقتداء باحد ما
ولكن هو يعني انو اول ما بديت اتابع مباريات منذ الصغر يعني بذكر من عام 1996 تقريبا فكنت اشاهد فريق يلعب الكره بشكل جميل وازداد حبي برؤيه ريفالدو وكلويفرت ولويس انريكه بالفريق ولم اكن اعلم ما هو التاريخ فمنذ ذلك التاريخ ولغايه اليوم فقط البرشا

اكثر فلسفه بالحياه ممكن في عدة امور ولكن اكثرها يا اخ نظمي انو انا بحب اعمل يلي براسي وما بيهمني شو ينقال عني وما بحب اراجع حد بشي ولا بعطي الامور اهميه خلص سواء التصرف صح ولا خطأ ما بيهمني شو حينقال عني
ولكن طموحي اكون الجميع نظرهم فيني خير وطيب


مواصفات البنت يلي بتمناها تكون شريكه حياتي اوك
انها تكون ذات اخلاق عاليه وبنت ناس واصول
تغاااااار علي وتقدم الحب يلي بيتمناه اي رجل وما تكون من النوع كتير الكلام يلي ما اله لزوم
طبعا لا يغركم عن الجمال لانو شي مهم بتمناها تكون كامله الصفات الحسنه رغم انو الكمال لله سبحانه وتعالى

اما عن سؤالك انا من النوع الكتوم بقلك نعم انا بحب اكتم الامور الغير حسنه يعني مشكله صارت معي ما بحب احكي لحد وبحاول اخقي وما اظهر اي شي وبخلي هالشي بيني وبين نفسي
رغم اني ما بتخلى عن حبايبي وبستعين فيهم باي وقت

اما عن يا سمح حصلت معي مشكله باي مكان طبعا اول شخص بتصل فيه وبدون تفكير هو اخوي الكبير غالب الله يخلي يا رب


شي عملتو وندمت عليه يا اخوي يا نظمي والله ما بعرف بالزبط ما في شي خطير صار وندمت عليه
ممكن صارت معي قصه لفتره محدده وانتهت نهايه مو منيحه بس مش ندمان على هالامر

اما عن شباب بلدي فوالله انت اخترت شباب طيبين وبدون دبلوماسيه

حمد عامر لو بايدي بخلي ما يستعجل بالامور ويكون اكثر دقه باي تصرف وما يكثر من المسبات هههههه

ابو سمره والله مش عارف شو اقلك بس بحب يخفف من تياستو ههههههههههه ومن احرجاتو للشباب في القعده

معاذ يعني ما في شي لازم اغيرو فيه بس بحاول اخليه يقصر طويل زياده عن اللزوم

خالد بس شغله وحده بخليه ما يستعجل مع الشباب في الجامعه باي مشكله لانو ما شاء الله ايدو مهده ولا هو قلبو طيب ولا احلى منو لما تتعرف عليه

نظمي اخوي انت عراسي وحبيبي وارجع ارجع اسالتك حلوه وبتمنى اكون جاوبتك منيح

قال جاوبت منيح قال .. اجوبتك كلها على رااسي من فوووق ..عشعشت براااسي ..هههه
الله يخليلك أخوك غالب .. وبطمنك الحمد لله الكل بمووت فيك وبشوفوك طيب
والله يعطيك على قد نيتك ... بس تعليقاتك على الشباب .. من الاخر ..هههه

لن خليني أعلق شوي على فلسفتك بالحياه .. ان كنت انت عامل شي صحيح ومش غلط .. حلو تكون ثقتك بنفسك عاليه
اما ان كان الشيء غلط .. لازم تحاول ما تعمله لانك أكبر من انه يجي واحد بوقت الغلا ما بسوى شيكل يحكي عليك او ينصحك.. يعني عشانك انت مش عشان الناس

وبما انك كبرت راسي وحكيت انها الاسئله حلوه .. رح اهريك أسئله حلوه ليخلص هالاسبوع على خير ..هههههه

الله يخليك يا نظمي يعني من ناحيه تعليقاتي عالشباب معرفتش شو اقول والله كلهم خير وبركه وانت بجوز بتعرفهم اكثر مني كمان هههههه
اما عن فلسفتي فالف شكر الك ولنصيحتك وكل الاحترام لعيونك الحلوه
واهري انا مستنيك

والله اهلا وسهلا بي القني ونورت الكرسي والله ....و اذا بتسمحلي بي كم سؤال بكوون ممنونك :]

بس ما توخذني معضم اسئلتي رياضهبصيفاتي بحترم ثقافتك الرياضيه بدي اسألك كم سؤال ...

1- بنبدى في فالدز , رأيك في فالدز و هل هو بستحق يلعب مع بارسا؟؟

2- هل بارسا استحق يتأهل للدور النهائي في دوري الابطال؟؟

3- هل قدوم كل من كاكا و روناالدو و ريبيري و فيا و ألونسو و ممكن كمان ابراهيمو فتش على النادي لا يبعث في روحك الغيره , او يثبت لك ان الاعب الافضل يفضل ريال دائما

4- هل غوارديولا صنع الفريق ام الفريق صنع اغواريولا . وكمان هل عدم قبوله التجديد هو عدم ثقه ام حفاظا على الانجازات ؟

5- من افضل زيدان ام ميسي ام رونادو البرازيل؟

6- هل تخصصت بناء بناء على رغبتك ولا لانو ما طلعلاك مدني:S ؟

7- شو رأيك في سفيان سعادة ؟:]

8- هل انت راضي عن نفسك ؟

............................... واحتراماتي سيدي

اول شي مسا الخير يا ورد يا سفيان تحياتي والله وكلك ذوق والله
اما اسمحلي اجاوب وان شاء الله بقدر اوصل الكلام بطريقه صحيحه

1- بنبدى في فالدز , رأيك في فالدز و هل هو بستحق يلعب مع بارسا؟؟

اول شيء فالديز حارس اراه مزاجي وغير محظوظ حيث انه اي خطأ يرتكبه يتسبب بشيء يخسر الفريق
انا بصراحه كحارس غيور عفريقو لانو ابن برشلونه بحترمو ولكن بظن انه مستوى فريق كبرشلونه يجب ان يكون عندهم حارس افضل من فالديز ولكن بنفع حارس احتياطي او حارس لفريق متوسط المستوى



2- هل بارسا استحق يتأهل للدور النهائي في دوري الابطال؟؟

بكل تأكيد اخي سفيان البرشا ليس لاني اشجعهم استحقوا التاهل للنهائ والفوز بالبطوله لان مباراتهم مع تشلسي نعم اقول ان الفريق كان يستحق الخساره بمباراه الاياب وبكن مرة القدم هكذا وطريق اللعب بماراه ذهاب واياب بتطلب منك تلعب ويكون هناك نوع من الحظ
ولكن اداء برشلونه بكامل البطولات هذه السنه يجب ان يحكم العقل واقول يستحق التأهل والفوز بالبطوله


3- هل قدوم كل من كاكا و روناالدو و ريبيري و فيا و ألونسو و ممكن كمان ابراهيمو فتش على النادي لا يبعث في روحك الغيره , او يثبت لك ان الاعب الافضل يفضل ريال دائما

اول شيء اظن من الصعب التعاقد مع كل هؤلاء بموسم واحد وليس من مصلحه الريال هذا
ولكن اقول الريال فريق كبير حتى لو كان بنكسه هذا الموسم ولكن بالتاكيد قدوم كاكا وريبري وفيا وابراهيموفتش لاعبين كبار يجعلني اغار وبخاصه انهم نجوم كبار ولكن رونالدو لو جاء للريال فلا يهمني لانه لا اتمنى برشلونه التفكير به اما الباقييين فكلهم اتمنا ان اراهم في برشلونه
اما عن انهم يفضلون القدوم للريال فاظن ايضا ان برشلونه ايضا يتمنى كل واحد منهم الوجود بالفريق ولكن لا ندري ظروف ادارة كل نادي وما هو تفكير كل فريق ومصالحه اين


4- هل غوارديولا صنع الفريق ام الفريق صنع اغواريولا . وكمان هل عدم قبوله التجديد هو عدم ثقه ام حفاظا على الانجازات ؟

اي مدرب ذكي يدرب فريق لديه لاعبين جيدين سيكون بهذا المستوى
ولكن طريقه وتكتيك المدرب غوارديولا رغم صغر سنه هي من جعلت الفريق بحال جيد وبموسم اروع موسم تاريخي لبرشلونه والسبب ان نفس اللاعبين كانو الموسم الماضي وكانو بحاله صعبهولكن روح المدرب وطريقه بث الروح النفسيه والصداقه مع اللاعبين جعلت الفريق افضل
وعدم قبوله للتجديد كان بسبب انه يشترط ان يتم التجديد لكامل الطاقم الفني والطبي الذي يمتلكه واتوقع كونه ابن النادي يتمنى البقاء باكثر وقت ممكن بالتدريب

5- من افضل زيدان ام ميسي ام رونادو البرازيل؟

زيدان اسطوره ورونالدو بكونه لاعب رغم العديد من الاصابات لاعب قدم وضحى بكل مكان لعب اما ميسي فلاعب لديه المستقبل وان حافظ على هذا المستوى فسيكون بحجم الكبار الكبار
ولكن اتوقع ان زيدان بقيادته وحجمه بالملعب هو الافضل

6- هل تخصصت بناء بناء على رغبتك ولا لانو ما طلعلاك مدني:S ؟

والله بصراحه بناء على رغبتي لانو ما كنت مفكر بالمدني ابدا ابدا
انا كنت متردد بين البناء والصناعي وباخر فتره وسؤالي للشباب نصحوا بالبناء والحمد لله على هالاختيار وبيكفي تعفت عليكم الكل
7- شو رأيك في سفيان سعادة ؟:]

سفيان سعاده بكل صراحه كنت لما احكي معك وبداخلي شي بيقلي اتجنبوا والحكي معو او صحبتو بتلزمش يعني احس انو انت بتحبنيش بتجنبك
وممكن احساسي كان مش بمحلو
بس بالاخير ومن الكل بيمدح فيك وسياستك الادميه اتغير الوضع وبردو بعد الرحله وبتمنى انو نكون قد صحبتك وتتقبلنا كصديق وحبيبي وعراسي
8- هل انت راضي عن نفسك ؟

بكل صراحه لا مش راضي عن نفسي
بتمنى اكون احسن من هيك بكثير

وبالاخير بقول لسفيان شكرا على الاسئله وسامحني بالله عليك على كثره كلامي وخاصه اجوبتي بالرياضه يعني شي بيدفعني اضل كتب يوم بالرياضه مبتفرقش
ومره تانيه شكرا الك اخوي وبتمنى اكون ما دايقتك بشي والف سلااام حب

هههههههههههههههه ولله انك نااار يا حج . اجوبتك كلها بتجنن , و متل ما بيريز حاطت قائمه بدو يجيبهم على الريال انا حاطك على راس القائمه لاجيبك على قلبي مش مجامله بس والله كتير سيرتك حلوه و ما بتيجي سيرتك دايما ألى في القعدات الحلوه و اكيد بأحلى الكلام ... دماتي ألك يا قني

هلا بالقني نور كرسي الاعتراف والله
س1-ماهي امنيه حياتك
س2-حكمه القني في الحياه
س3-احب الاسماء على قلبك
س4-اغنيه بتهديها لواحد جرحك في يوم من الايام
س5-ما هو سر محبه الناس الك
يعطيك العافيه حموده بس حابب احكيلك كلمه مستحيل حد يعرفك وما يحبك

هلا حبيبي يا هاني منور الكرسي والمنتدى والدنيا كلها بوجودك
ما هي امنية حياتي؟
اظن ان كل انسان لديه العديد من الامنيات التي يتمنى ان يحظى بها
اما عن نفسي امنيتي الاولى انو اخوي يتزوج ووتفرح امي فيه وانا افرح فيه ممكن تحكي شو هالامنيه بس والله هالشي مهم عندي
وامنيتي الاخرى ان اكون بقد حمل المسؤوليه كشاب مسلم وان يعطيني الله زوجه المستقبل بمواصفات ترضيه وترضيني وهناك امنيات اخرى ولكن اظن هذان الامران هما الاهم

حكمه القني بالحياة؟
هو لسانك حصانك ان صنتو صانك وان خنتو خانك
لانو اللسان هو سبب المحبه والكره والتالف والفرقه فنحاول نخلي لسانا منيح وصافي

احب الاسماء على قلبي؟
والله اظن انو في كتير اسامي حلوه على قلبي سواء ذكور او اناث يعني ما بقدر احصي واقول شو الاحب والافضل فيهم

اغنيه اهديها لحد جرحني؟

كتير اغاني بهديه اياها بس بما انو جرحني وباعني
بهديه اغنيه بياع القلوب لفضل شاكر

ما هو سر محبه الناس الي؟
اول شيء بتمنى يكون هالشي يا هاني يكون مزبوط واكون قدام الكل محبوب
واذا هالحكي في منو فالمحبه من ربنا
وان شاء الله اكون بمتاز بهاي الصفه

وشكرا هاني على الاسئله والله يخليك كلك ذوق واسالتك حلوة وربنا يسعدك
تحياتي

انا ما رح اسالك بس بتمنالك اجابات موفقه مع اسالة ام اللول
موفق يا كبير
تحياتي

اول شي مساء الخير يا لارا وهاد النور اكيد نورك واشتقنالك والله وعن الاسئله بعيني الله رح جاوب رغم انو مش جاي عبالي ههههه
بأي امر اتخذه هل احكم عقلي ام قلبي؟وايهما اسبق للتحكيم؟
اول شيء بقول اتوقع انه هناك امور يجب ان احكم عقلي بها ولكن حينما تقع الواقعه ويصبح الامر اكثر تعلقا وتماسكا بك فان القلب يطغو ويصبح العقل مجرد اله للتفكير
وهذا الامر اكثر شيء يحصل بالامور العاطفيه وانا بقول انه الان وبغض النظر عما سبق من قوله فاقول الان اصبحت احكم العقل اكثر مع وجود للقلب لانه مهم تواجده باي امر
اما ايهما اسبق للتحكيم فهو ان القلب هو الطريق للوصول من اجل تحكيم العقل فمثلا احببت فتاة دون ان تعرف ظروفها فان القلب هو من يقع بالاول ولكن بعد ذلك فان العقل هو الذي يحكم على كافة الامور
اما السؤال عن هل ندمت على شيء بحياتك؟
فسبق وقلت انه ليس هناك امر كبير حدث معي وجعل اندم بشكل كبير
يعني الندم ان حدث فكان فقط بامور صغيره وليس لها الاثر على حياتي
لانه اذا فعلت شيء رائع وجميل وبالاخير انقلب ضدي فلن اندم لانني وقتها اكون كسبت اختبار لذاتي والحمد لله
السؤال يلي بعدو عن الفرق بين الحب والصداقه ؟وهل يمكن ان يسلكا طريق الغيره؟
اول شيء بنظري انه الصداقه قد تكون اجمل من الحب بحاله واحده انه ممكن ان تصبح الصداقه حبا
بينما الحب فمن المستحيل ان يصبح صداقه
اما الفرق فان الحب شيء جميل وهو عباره بنظري عن شيء يقسمك نصفين وتصبح روحين بجسد واحد وكامل الخصوصيات بينكما تصبح مشتركه
بينما الصداقه فهي ان كانت صحيحه فهي اخوة بمعنى الكلمه وهي التقارب بينك وبين الاخر سواء ذكر او انثى وتصبح اكثر شجاعه بالتعبير عما في نفسك
واما عن هل يسلكا طريق الغيره فانا اقول عن نفسي اذا كان هناك ثقه بينك وبين حبيبك وكلاكما تعرفان بعضكما البعض ومدى الحب بينكما فلا داعي للغيره
ولكن الغيره من طرف الحبيب احيانا جميله ولذلك الغيره بالتاكيد ستكون مزروعه
ما هي احلى كلمه قيلت لك يا قني؟
بصراحه وبدون اسئله زياده هههههه كلمه حبيبي اول مره طلعت كانت حلوة ولها معنى كبير ولكن لاادري ماذا اقول والحمد لله على كل شيء
ما الامر الذي يحتاج لصبر عظيم؟
بالتأكيد حين وقوع مصيبه وادعو الله ان لا تصيب احدكم مصيبه
وخاصه عند فقدان عزيز عليك وبالاحرى عند الوفاة لانه كان بيوم ما بقربك وبجانبك وبلحظه ما لا تراه جنبك فاظن ان الموت هو اكثر شيء بحاجه للصبر
وايضا عند مرض حد عزيز عليك
ما رأيي بالكلمات التاليه؟
الخيانة: هي الفاجعه الكبرى ويا ريت لم اعرف صاحب هذا الامر
المرأه: نص عقل ونص دين
الصداقة: الشق الاخر منك
النميمه: اكل لحم الاخرين اتمنى عدم وجودها ولكن احيانا نضطر لذلك هههه
النفاق: القباحه المختبئة وتكشف بسرعه
شكرا لارا على الاسئله اتمنى ان تكون اجاباتي واقعيه ويسلمو

عبووود يسلمو انك واقف معي وبتتمنالي كل خير مع اسئله لارا حبيبي انت
اما نظمي الكبير فانا بقلو اول شي انت زلمي دايما بتغمرني بمعروفك عشان هيك اكثر واحد بيعرفني وانا بغني اي اغنيه عاطفيه وطنيه شو ما كانت لما احط اسم القني بتيجي حلوه وانت يااااما سمعتني
وانا اليوم بكتبلك اغنيه طبعا تحريف الا وهي
القني على نياتو كل البنات خواتو ده مكنش كده بس انا غيرت كل حياتو
في اغاني كتير انت كل ما بدك بس اطلب وحبيبك القني موجود
في اغنيه لفتح ولك احنا لفتحاويه
انا بغني وبقول
ويلع ويلع
ولك احنا القناويه جاي بتتحدى القني ولك احنا القناويه
طبعا الاغاني طويله بس مش مناسبه كتابتها هون ههههههههه
اما عن طلبك التاني فكل الاحترام
انا الي اخ واحد اكبر مني عمرو25 سنه وهو طبعا عايش عنا هون
اما عن عمامي فالي 3 عمام
واحد موجود هون وكان طول عمرو بالسعوديه واجا هون وفتح محل البسه لفتره وبعدها سكروا والدنيا لفت عليه وهالايام بلا عمل
اما الاثنين هدلاك موجودين بقطر واحد منهم بيشتغل استاذ كيميا وبيشتغل بمختبر المدرسه
والثاني استاذ رياضيات
وكل الاحترام يا نظمي